Li londi (ou dilon)[1], c' est l' no do prumî djoû del samwinne, li deujhinme dins l' contaedje djwif et arabe.
Li mot vént do latén lunae dies ki vout dire "li djoû del lune".
Bråmint des lingaedjes romans eployèt ç' no la, soeye-t i sol cogne di londi (lune-djoû) ou d' dilon (djoû-lune) : lunes (castiyan), dilluns (catalan), lunedì (itålyin),...
C' est co ç' sinse la, oudonbén l' ci di "djoû di Mona" (li deyesse del lune dins l' mitolodjeye tîxhone) k' on rtrouve dins les tîxhons lingaedjes.
Eto e [[djaponès[[, li londi est li "djoû del lune" (月曜日, getsuyōbi).
Mins e chinwès on djåze do "prumî djoû del samwinne" (星期一 u 週一), dabôrd k' e portuguès c' est li "deujhinme" (segunda feria). Dandjreus dizo assaetchance di l' arabe الإثنين (li deujhinme). Paski tant les djwifs ki les Arabes kimincèt l' samwinne li dimegne, shuvant la l' Djeneze ki dit ki l' Bon Diu s' a rpoizé l' setinme djoû, k' est l' ci do rpoizaedje dins li rlidjon djwive.
Li londi des cmeres (Frauenmontag), dins l' cwarmea d' Neyåw.
Dins l' tchanson des djoûs, on l' dene come «djoû do manaedje». On rarindjive si manaedje dibrôlé pås fiestixhaedjes do dimegne.
RetroSearch is an open source project built by @garambo | Open a GitHub Issue
Search and Browse the WWW like it's 1997 | Search results from DuckDuckGo
HTML:
3.2
| Encoding:
UTF-8
| Version:
0.7.4