Pire li Grand u Pire prumî d' Rûsseye, ça a stî li tsår li pus rlomé del Rûsseye.
I skepia e 1672 et mora e 1725.
A pårti do moes d' djanvî 1716, et disk' å moes d' octôbe 1717, i rvoyaedja e l' Urope coûtchantrece, mitan po des rescontes diplomatikes, mitan po des vizites di tuzance. Il ariva a Misterdam e moes d' decimbe 1716. E moes d' avri 1717, i porshuva s' voyaedje eviè les Bas Payis otrichyins. Mins dandjreus pal Flande, pusk' il avna a Dongléjhe (Dunkere). Pu porshuve so Paris, la k' i rescontra li rwè Louwis XV di France, k' esteut co efant.
So s' voye po-z eraler e l' Holande, i prinda les bagns a Spå, divant di rdjonde Måstraik, pu Misterdam, la k' il esteut seur po siner on traitî avou l' Prûsse et l' France li 15 d' awousse.
Sorlon Joseph Dethy, riscrijhant les kéntes metowes sol dos da Djan-Bietrumé Picård, il åreut passé pa Nameur, dandjreus sol voye inte Paris et Spå. Come i cwita l' France li 21 di djun 1717, ey esse a Spå li 28 di djun, il åreut polou esse a Nameur diviè l' 25 di djun 1717.
Inte Spå et Måstraik, la k' il esteut li 27 di djulete 1717, il est probåbe k' i vizita li Principåté d' Lidje.
RetroSearch is an open source project built by @garambo | Open a GitHub Issue
Search and Browse the WWW like it's 1997 | Search results from DuckDuckGo
HTML:
3.2
| Encoding:
UTF-8
| Version:
0.7.4