Di Wikipedia, e ensiklopedia liber
FUTURO ta un partido politico na Aruba, funda na 2024 pa Gerlien Croes cu sosten di algun disidente di partido AVP.[1] Na december 2024, den su prome salida electoral, e partido a obtene riba di 7.300 voto, birando e di tres partido mas grandi na Aruba y e prome, cu no ta AVP ni MEP, pa surpasa 2 asiento den Parlamento di Aruba.[2] Desde 28 di maart 2025 e ta forma un gobierno di coalicion cu AVP bou nomber di gabinete AVP-FUTURO.[3]
Futuro a wordo lansa oficialmente dia 15 di september 2024 na Casibari door di Gerlien Croes, politico y parlamentario, kende na mei 2023 a bandona AVP despues di algun incidente interno.[4] E enfoke di e partido ta pa promove transparencia, desaroyo sostenible[5] y pa stimula comunidad Arubano pa ta mas activo y participativo den creacion di maneho.[6] Croes hunto cu Geoffrey Wever ta comparti e liderazgo di e partido.
Cu un lista di 10 candidato, encabesa pa Gerlien Croes, e partido a debuta den eleccion di Parlamento di Aruba dia 6 di december 2024. E ta obtene tres asiento, birando e di tres partido mas grandi despues di AVP y MEP. Cu e posicion aki e partido tabatin un rol determinante den formacion di un gabinete nobo.[7] Despues cu informado T. Lasorte a entrega su relato, Gobernador Boekhoudt e nombra dia 14 di januari 2025 tanto Mike Eman como Gerlien Croes como formado.[8] Tres siman despues nan ta confirma cu tin base pa un gobierno di coalicion, consistiendo di 5 minister pa AVP y 2 pa FUTURO.
Fuente, nota i/òf referensiaRetroSearch is an open source project built by @garambo | Open a GitHub Issue
Search and Browse the WWW like it's 1997 | Search results from DuckDuckGo
HTML:
3.2
| Encoding:
UTF-8
| Version:
0.7.4